Кыргыз Республикасынын Илим, жогорку билим берүү жана инновациялар министрлиги 2026–2027-окуу жылына орто кесиптик билим берүү уюмдарына абитуриенттерди кабыл алууну уюштуруунун тартибин бекитти.
Негизги өзгөртүүлөр:
- 11-классты аяктаган абитуриенттерди бюджеттик жана контракттык орундарга кабыл алуу учурдагы жылдын ЖРТсынын жыйынтыгынын негизинде жүргүзүлөт.
- Маданият, искусство, дене тарбия жана спорт багытындагы адистиктер өзгөчө учур болуп саналат.
- Чет өлкөлүк жарандар үчүн өзүнчө кабыл алуу планы бекитилди.
- Билим берүүнүн жеткиликтүүлүгүн камсыздоого өзгөчө көңүл бурулат: майыптыгы бар адамдарга, жетим балдарга, апрель, июнь жана Баткен окуяларында каза болгондордун балдарына, ошондой эле кайрылмандарга.
Документтерди тапшыруу эрежелери:
- Ар бир кабыл алуу турунда абитуриент бир бюджеттик (ваучердик) орунга жана бир контракттык орунга арыз бере алат.
- Россиянын, Беларустун жана Казакстандын жарандары эл аралык келишимдерге ылайык жалпы негизде катышат.
- Документтер «Абитуриент Online» электрондук системасы аркылуу кабыл алынат.
Жаңычылдыктардын максаты – Кыргыз Республикасынын орто кесиптик билим берүү системасында кабыл алуу өнөктүгүнүн ачыктыгын, жеткиликтүүлүгүн жана натыйжалуулугун камсыз кылуу.