Бүгүн – 21-мартта калган Азия чөлкөмүндөгү бир катар мамлекеттер менен катар эле Кыргызстанда да Нооруз майрамы белгиленүүдө.🌸
Нооруз” – байыркы фарс тилинин “науризи” деген сөзүнөн алынып, кыргыз тилинде “нау” – “жаңы”, “рузи” – “күн” деген маанини билдирет.
Кыргыз элинде эски жыл аяктап, эртен жаңы жыл деген күнү өткөрүлүүчү ырым-жырым салты “жыл ажыраш” деп аталган. Бул учурда арча, чекенди, адырашман түтөтүп алас айтылат:
Алас, алас,
Ар балээден калас,
Эски жыл кетти,
Жаңы жыл келди.
Алас, алас,
Айдан аман,
Жылдан эсен,
Жакшылыкты Теңир берди,
Жарык күндү кеңири берди.
Орообуз данга толсун,
Оозубуз нанга толсун!
Алас, алас – деп үйдү, там-ташты, мал-жанды аласташкан.
Нооруз майрамы дегенде ар бир адамдын оюна сүмөлөк тамагы келет. Ар бир элдин ата-бабасынан бери жасап, жеп жүргөн улуттук тамак-ашы бар. Эзелтеден бери кыргыз эли дагы өзүнүн тамак – аш өнөрүн өз алдынча өнүктүрүп келген.
Биз Ош аймактык медициналык колледжи да Нооруз майрамын колледждин мугалимдер жамааты жана таланттуу студенттер менен биргеликте майрамды откордук.
Кыргызстан элдеринин улуттук каада-салты, ырым-жырымдары жана үрп-адаттары студенттердин талкуусунда иш-чара болуп отту.
Мында колледждин мыкты группалары катышты:
1. Сд-22
2. Фа-22
3. Сд-23
4. Фт-23
5. Фа-23
6. Фт-1-24
7. Фт-2-24
8. Фа-24
9. Сд-24
Иш чара концерттик программа менен коштолуп, катышуучуларга жагымдуу маанай тартуулашты.🌸
